日期係2014年01月30日，今次的路係梧桐寨四個瀑布之旅！全長約6公里！
梧桐寨巴士站 => 萬德苑 => 井底瀑 => 中瀑 => 主瀑 => 散髮瀑 => 萬德苑 => 梧桐寨巴士站
梧桐寨仲有個玉女瀑的，不過要行澗上，所以冇去啦。
難度：2星.....因為中瀑之後的山路比較體力化....
路線的kml係 >>呢度<<
今次有澳門人、pippen、威少、KC、昇爺同埋我自己結伴同行！
聽說梧桐寨有全港最長的瀑布，達30米多，當然要去睇下！
因為你完全唔會覺得在香港彈丸之地，竟然有瀑布@@！！
梧桐寨應該就係林村河水的源頭，在嘉道理農場附近。
中午十二點在大埔墟火車站64K巴士站集合，到梧桐寨站落車。
沿住馬路走入去，不要走支路，去到某個位就轉上右邊的斜坡走。
沿住萬德徑走，走不遠就見到萬德苑了，之後就係上山的路段。
上山前，有一無名小瀑布，狀觀程度都唔差架！可以拍照留念！
上山後，去到指示牌時沿左手邊方向走，右邊係會兜番轉頭時的出口黎。
走了一段不太辛苦、不太長的路段，就到了井底瀑。
呢個時候，阿昇就失足咬柴了。 慘........
在井底瀑，有一片被大石填滿的大空地，井底瀑有前後兩個瀑布，兩級的。
那時我見到後面有一個瀑布，就諗方法過去。
看見右邊有路上，需要手腳並用爬上去，KC就一馬當先上去，但無功而還。
因著我的牛脾氣，就決定自己試一次！發現原來可以由右邊攀爬上去！
係一次意外的收獲！:D (但新手勿試！有一定的危險性！)
上左去，係一片新天新地，好似遠離人煙咁，別有洞天，世外桃園咁款。
入面陰風一大陣，像有一部強勁的冷氣機係你前面一樣，企多陣都會凍死！
D水又清又凍！真係有讓人沖落水的衝動！
之後就送阿昇落山，落山時用左把萬用刀鋸左一枝係地下汁的竹比阿昇做支撐。
我又整左把木弓箭！
阿昇回家後，我們又再次出發，時間係四點半。今次直接上中瀑。
中瀑距離井底瀑不遠。中瀑，因為似馬尾，又名馬尾瀑。
瀑布的水量比井底瀑多，氣勢也比井底瀑為大！
逗留左一段不長的時間，就走了，要趕路！
主瀑海拔大約450米左右。
之後就要上天梯，起碼高度差有大約100米，路也比較斜，比較體力化一點。
不時要在中段休息，也要用手借力，故此，加油啦=.=...........
終於到了主瀑，與先前兩個瀑布不同，主瀑可以用細水長流去形容。
一條好幼的水由30米高流落黎，它的氣勢不在於多水少水，而係夠高！
通往最後一個瀑布的路，散髮瀑，以前曾被山泥傾瀉搞到封左路。
去之前不停上網搵資料，發現條路應該清理乾淨了。
因此，繼續我們的旅程！上散髮瀑的部份路段需要手腳並用，唔算太辛苦。
到了散髮瀑，完全冇料到囉！同之前三個瀑布比，完全冇可得稱讚的地方。
所以就走了，繼續往上行多陣，就兜番落山，此時太陽已經落山了！
又征服了梧桐寨四個瀑布！
出發前！
沿左邊走，不要走支路
這裡轉右上斜路
萬德徑
萬德苑的牌樓
回望隊友
萬德苑
上山前的一個無名小瀑布
依指示牌前進
靠左走，往井底瀑方向
右邊係我地終點黎，一陣會兜一個圈番黎呢度的
鴨仔團出發
在地下汁到補給！！未開過的！
靠左走往井底瀑，靠右走就往其餘三個瀑布
到井底瀑啦！見到後面有個瀑布嗎？
KC一馬當先，但探路不成！
牛脾氣的我衝左上黎，影番落去！(新手勿試！有一定危險)
一個世外桃園，很興奮！在這裡陰風大大陣，好似有部強勁的冷氣機係你前面一樣！
企多陣都會覺得凍！瀑布的水非常清，亦係非常凍！
KC都上左黎啦！
威少也忍唔住上黎啦！
井底瀑全景
好清！
望上面
落番去前影番張啦！
昇爺慘烈..gg了..我地一齊送佢落山..又搵左枝竹比佢扶
左邊係犽宿，右邊係KC溫柔的一面
隻貓係咁痴住我地，發出可憐的貓叫聲，可惜KC冇帶貓糧係身，就比左少少面包佢食
仲跟住我地=.=''
一齊加入丐幫啦！
用萬用刀鋸一枝係地下汁的長竹，整打狗棒
我又整左把木弓箭！正！昇爺都影番張相先！
又再次出發！呢張圖比我感覺好似真人打online game咁@@
今次走右邊，往中瀑方向
話咁快就到啦！
中瀑(馬尾瀑)
影番落去頭先的那個世外桃園
走人，要趕路！
上天梯的辛苦......
太陽快落山了！
繼續上！手腳並用借力！
KC絕望了！...............
但仍然頂硬上！..............
發現山洞！如果落雨就番黎呢度啦..哈哈
上左咁多天梯，終於到主瀑啦！感動！
主瀑
Chok一Chok先！
主瀑左邊有路通往散髮瀑的
有D地方要手腳並用上，難度不高
到啦！
主瀑的上面！
冇乜特別的散髮瀑........
睇左一眼就走人
忙裡偷閒自拍一張先！
而家睇番先知out focus左...
日落了！
趕緊落山！
行山後，晚上七點幾
完
