嘉鏵足跡: 20150219

2015年02月19日

路線：石壁水塘=>狗嶺涌營地=>嶼南界碑=>狗嶺涌沙灘=>分流東灣=>牛鼻窿岩=>分流石筍=>南樓層=>分流炮台
=>石圓環=>分流西灣=>分流村=>煎魚灣營地=>二澳舊村=>二澳新村=>牙鷹角營地=>大澳
(粗體為景點)
GPS：這裡
難度：1.5星...因為都有一定的長度
距離：22公里...行左大約6小時..(兩個鐘到分流..兩個鐘探遊..兩個鐘到大澳)

分流是香港相連本島最西南的地方，以前其實我同女朋友黎過，
但因為種種不同的原因，去兩次都fail= =...
所以我一直都想再去探遊一番，今次終於有機會了。

上網做定資料搜集，大約知道那裡有的景點，當中大部分我都知道要點去，只有一個不知。
就是南樓層，南樓層是一個石室，陽光可以輕易透射到入去。
網上資料話，是婦女逃避日軍時的藏身處。但網上資料所記載這個地方的位置並不清晰。
我把梗有的資料，大概可能的位置，都記入腦中，希望搵到，真係比我搵到！^^

行分流，感覺幾特別，雖然未可以話去到古色古香，但過癮！

因為新年假期，得東涌聚龍同大家樂有開門做生意。
在聚龍餐牌看見，新年套餐，就心感不妙，又要貴價食公仔面。
坐11號巴士，過了石壁水塘的水壩後落車，有洗手間可以用，然後沿車路一路走。
有分叉路，左邊去大浪灣大浪村，右邊上引水道，踏入鳳凰徑。
大浪灣是一個好大的無人灘，但因為要經過村屋，有好多狗= =''，所以都係冇去了。
轉右上了引水道後，就是好長而又沉悶的路，就到了狗嶺涌營地，這時轉左落山路。
下一個分叉口，有嶼南界碑的指示牌，轉左，正常會沿路出番黎。
轉左後，到了涼亭後有兩條路，其實兩條路都一樣，隨便選一條就可以。
因為你左邊入去，會右邊出番黎，兜一個圈。
我們選擇了右邊的路，一上去就可以看見狗嶺涌沙灘同埋分流東灣。

之後因為我們發現了小路，就先兜一兜嶼南界碑，就直接抄小路落抄灘了。
到了沙灘尾部，接回郊遊徑，看見獨木橋，不用過，直接按路標指示轉左。
按著路標一路走，就見到分流東灣就在眼前，又一個無人沙灘。
到分流東灣之後，向後走，即東北方向，就可以找到一個海蝕洞。
這個海蝕洞在梁榮亨的書曾介紹過，叫牛鼻窿岩，土名石屋仔。
當潮退的時候，可以容許人經過，從另外一邊出來。
可惜我去到的時候，海水未退得夠，我還不想濕腳呢！

之後繼續走沙灘，因為想搵南樓層，所以就綑了少少邊，但感覺有不太對路。
我又擔心標叔未必綑到，所以就放棄了，在分流東灣尾部接回郊遊徑。
心想，要去少一個景點了，點知柳暗花明又一村。
沿郊遊徑走，不難看見分流石筍，其實只是一舊大石，以前分流村也曾以佢命名。
在石筍旁轉左，後面其實有小路，我看遠處有一處大石，非常平，我就想是不是石室呢？
就走過去，但小路卻真小呢，以為冇路，走前一點又有路，無驚無險又去到大石上面。
大石上，有一處黑了，明顯有人在上面煮過野食= =..
一到上面，我就知道自己冇搵錯了，這就是南樓層。其實只是一個空間，有些石頭蓋了頂。
這個位置，都有少少難發現，很容易就會錯過左。
問題來了，如果落石室呢？冇個位落到= =..
之後我就走回頭，在一個比較可行的位，訓著咁趴入去，又比我入到喎。
入面非常空曠，光線十足，可以企係度唔頂頭，可容納N人。
可以繼續向前走的，這就不用走回頭路，但前路要跳上一舊大石，所以廢時了。

走回郊遊徑後，分別就可以去到分流炮台及石圓環。
前者，只剩下一個四方石牆，一條梯，一個拱門。
後者，只不過是用石堆砌成的一個環。不知來歷，可能是同祭祀有關。

之後就走了，趕住走，怕天黑前趕不切回大澳。
走到二澳舊村時，有隻狗爬高，然後撲黎我度，好采標叔反應快，
立即在地下拎枝竹，隻狗立即嚇到彈開。呢隻狗真係= =，我過路借....
初初我都驚二澳未必過到，因為以前好似封過，好采都係過到。

大約五點到大澳，坐11巴士回東涌散水。