今次主菜是中狗牙嶺
路線：石壁水塘 => 石壁郊遊徑 => 中狗牙 => 一線生機 => 閻王壁 => 昂平
全長大約5.5公里，我們冒著風雨，用了六個半小時完成。
難度我比：3星吧...始終都係要爬下
因為我已經走過西狗牙嶺，所以其實對中狗牙嶺沒有太大興趣。
不過今次想帶朋友來見識一下，一行九人，就行多次差不多的路徑吧！XD
路線的kml係 >>呢度<<
初初仲擔心大家有冇足夠力氣走完整段路，因為中間冇可以退出的路。
不過最後大家都完成到，帶走了一次難忘的經驗！
一起身，落雨！>.<.....之後停左雨，望望天，似唔會再下雨咁，又看到一點點的藍天，所以繼續出發！但早上卻遲了出發，因為有人遲到！！在東涌巴士站坐11號去到石壁水塘水壩前下車，然後逆走巴士方向。在引水道旁，進入郊遊徑，上水泥天梯，留意右方中狗牙入口。
一開始都係在林中，走了不多時間，就已經走到山脊上！這時，觀看後方南海，見到落緊雨的黑雲向我地衝過來，我們立刻找地方避雨。看著霧氣迅速的入侵，身邊的風景由有變冇，由冇變有，像仙境一樣迷幻，感覺幾特別。停雨之後，藍天又重現了，繼續往上走，有時沿路有些蜘蛛，又遇到竹節蟲擋路，小心避過。不知不覺就到了428米的測量柱。整段路攀爬多的，就是上一線生機的路段，其實係幾好玩。小心翼翼咁過左一線生機後，這時又落雨！還有雷聲！之後諗番，其實都幾危險下，雨不怕，雷就怕。好采個雷唔係黎呢邊，只係旁邊經過。又找一個地方避雨，霧氣又不停入侵，加上近山頂，風比較大，我地有三位男士搵唔切位，係後面吹凍風，凍到疆哂，超可憐。
這時我諗，應該走西狗牙落山，還是繼續上閻王壁呢？但西狗牙難度比中狗牙還要高，上來都花了他們不少力氣，談何落山？還是決定上閻王壁，因為上到800米斬柴坳之後，不用下降到0米，到500米的昂平就足夠。於是，我們在霧氣之中，攀上閻王壁，回頭一望，什麼也看不到，因為霧氣實在太大，我也收起了相機，免得相機又壞。
上到斬柴坳時又下了細雨，拍了一張相後，就急速落山至昂平了。完成了這一次難忘的經驗，又突破了自己多些！感謝主！
晚上還有下一個地方要去！
轉左
轉左
上水泥天梯
留意絲帶，到入口啦，這裡轉右
對面落緊雨@@
走呀走，走呀走！
.......過左幾分鐘..近左好多
準備落雨了，收起相機
避完雨，繼續出發
西狗牙嶺，出現了
其實係幾靚的！
其實已經見到一線生機
中狗牙坑的尾段，虎吼石河，睇落幾正！
有人比蜜蜂追，係咁跑，哈哈
東狗牙、中狗牙
幾正！準備爬上去！
好大霧，好濛
準備過一線生機
一線生機
因為又落雨，避雨之後，就沒有再拎相機出黎了。
去到斬柴坳用手機影番張團體照！大家好叻呀！
如果想睇下閻王壁的相，睇下我去西狗牙那個post就可以
完
