嘉鏵足跡: 20140203_六合左澗上老虎頭

今日係2014年04月03日，又係憑記憶打日記。

日期係2014年02月03日，今次係我第二次行石澗！(中一行過青龍石澗，但冇乜印象了)
路線係大嶼山白芒村 => 六合左澗 => 老虎頭 => 愉景灣，順手爬老虎西崖
全長約8.5公里，但不停要向高發展，不停手腳並用，不停爬大石，非常體力化。
雖然同行的人說係新手澗，但真係新手勿近！！
爬野有手套比較好，因為有D樹有釘，有D葉有倒刺，隻手捉到就痛到七采。
可以去五金鋪買勞工手套(中間有少少膠那一款)。(當然我仲未試過用)
仲要著長衫長褲，不然就好似我隻手咁處處傷，我著左短袖衫。

難度：3星......上山相對體力化...落山路段斜而多碎石...
路線的kml係 >>呢度<<

地圖(from越野雄心)

因為冇乜願意去爬野的朋友，所以就參加了網上越野雄心開的團，順手捉埋展鋒一齊去。

早上9點50分在東涌巴士總站坐36到白芒村，坐一陣就落車。
沿路跟人行到六合玄宮，一座有鋁窗的舊道教建築物@@，再入林，就到六合石澗。
一入去就見到老虎西崖，人生第一次爬呢D崖，唔用安全設備，其實都幾「牙煙」。
每一步上都要confirm穩陣先好上，可惜我冇行山鞋，只有波鞋，爪石力唔太夠。
不過尚算應付得到，那塊崖磨擦力好夠！幾享受！
上去容易，落番就難，好采有另一邊容易落少少。雙手按住塊壁，隻腳同個身就向下郁。

之後番番去行石澗，不停爬大石，如果隻鞋friction大D就好啦！>..<
不停要烏低身入林，又要用手擋開在前面的樹枝，慢慢放開條樹枝，廢時「發」到後面。
行行下見到有D洞口，佢地即刻有人入去開洞，看看可否走番出黎=.=..強！
之後佢地發覺行錯路，就開林番番正路。
又係人生第一次開林，好體驗到「路係人行出黎的」呢個道理。
開林有時要落的，要爪住D草慢慢落，但D草有時有刺，真係慘=.=''
風景幾開揚的，望到大小磨刀、機場，不過始終香港天氣唔好，望唔得遠。
到番正路後，就沿行山徑上老虎頭，順手搵D石影下扮型的相。

到老虎頭郊遊徑了，個電話apps郊野行樂都會見到的，其實係幾靚！
見到香港迪士尼樂園(係度可以睇免費煙花，當然要摸黑落山)、愉景灣、坪洲。
D草訓落去，係幾舒服的！！之後佢地又玩另外一個崖，因為鞋唔好，我唔想玩了。
就同展鋒先走，沿路落山，碎石超多，又要斜，我完全唔覺得係郊遊徑的level。
一步一步慢慢落，就到愉景灣，坐車番東涌，坐地鐵到奧海城食個晚飯，之後巴士回家。
行完我都唔知邊個係老虎頭，哈哈！

相片比較多，慢慢欣賞吧！(已經汁過架啦)

東涌巴士站坐36到白芒落車，呢度就係大蠔灣啦！